→噹°猪°遇上^ANT^

        今朝托住显显作痛嘅右脚赶去市二宫地铁。两个身影擦身而过，係一对年轻嘅夫妻。两个都遮住套装手拖手咁行落地铁翻工。突然有种感动，一种莫名嘅温馨：早上闹钟一响，互相推脱要对方先起床按闹钟，同时又争先咁争厕所，着好衫一个张罗早餐，一个帮手带领带，快速早餐后匆匆牵手翻工。以一个匆忙而又温馨嘅早餐开始繁忙嘅一日。突然，真係好想身边有一个咁嘅人，又个咁嘅家，属于彼此小小的而又温馨嘅空间。

        其实又唔係好忙，但的确无咩心情写游记，可能係揾工度一直无咩进展，难得今日有大好消息，不过我都係写唔落，所以呢，关于澳门游记大家睇住哩度先啦，一样嘅遮，http://593309973.qzone.qq.com/。呵呵，我係有啲懒。

        最近，都有买啲书来睇睇，唔知係精神空虚，定係心神迷茫，多数都係买啲心理书。身边都不乏中意睇书嘅人，一些人中意睇英文剧情小说，追剧情同练英文阅读两不误；一些人中意睇意味深远嘅文学小说，无论係片言只语定係咬文嚼字都可以从中品味出丝丝启发；一些人中意睇同自己观点类似嘅书，可能係生活上得唔到足够认同，佢地更希望为自己嘅信念同信心揾更充足论据；…………而我，我中意睇一些与众不同嘅书，可能係我生活得太平凡，从我内心就渴望一些出众以及猎奇嘅野，我需要能够从更多方面观察问题嘅眼睛，我需要发现到身边潜在兴趣嘅嗅觉，我需要感受生活丝毫变化嘅触感，我好想知道一些一些我从来无接触过嘅事物同谂法。